Corte Comun di Husticia hunto cu Hof di Suriname a firma acuerdo di colaboracion

WILLEMSTAD: Recientemente e president di Corte Comun di Husticia di Aruba, Curaçao, St. Maarten y di Bonaire, St. Eustatius y Saba,

esta mr. Mauritsz de Kort, y consehero principal di Hof, esta Andre Steg, a efectua un bishita na Suriname unda a firma un acuerdo di cooperacion cu mr. Iwan Rasoelbaks, kende ta president di Hof di Husticia na Suriname.

   E firmamento a encera un acuerdo pa usa e registracion digital di casonan cu a wordo desaroya door di Corte Comun di Husticia.  Di e forma aki, Hof di Husticia na Suriname tambe por bay cuminza registra su casonan digitalmente di awor en adelante.

   Ambos President di Hof a papia tambe riba demas colaboracion, entre cual opleiding na beneficio di hueznan y huristanan griffier y conseho den e proceso di independiza e operacionnan di Hof di Suriname.

   Tambe a tene combersacion cu e director di Centrum voor Democratie en Rechtspleging (CDR), esta señora drs. Simone Koole y e Procurador General interino, señora mr. Garcia Paragsingh.  E delegacon di Corte Comun a haci bishita di cortesia tambe na Embahada Hulandes na Paramaribo, y na President di Republica di Suriname, esta Chandrikapersad Santokhi.

   Riba potret por mira momento cu mr. Mauritsz de Kort y mr. Iwan Rasoelbaks ta firmando e acuerdo di cooperacion.  Tambe e bishita di mr. Mauritsz de Kort cerca president Santokhi.