WILLEMSTAD: Recientemente a tuma lugar e huramentacion oficial di e dama Melanie Sue Ann Rog,
como traductora di Papiamento na Corte Comun di Husticia.
Cu e huramentacion aki, el a bira autoriza pa traduci documentonan oficial, y despues pone su mesun stempel personal riba dje, como tambe firma, y declaracion di huramentacion.
Na 2025 tambe caba, e dama Rog a huramenta como traductora di Ingles. Awor cu a agrega Papiamento na su habilidadnan, e ta amplia asina su prestacion profesional aun mas.
E huramentacion aki ta un etapa importante den su carera. Como traductora huramenta, e ta cubri un rol esencual pa asina yuda documentonan bira mas accesibel pa personanan cu ta papia Papiamento.
Su trabao pues lo contribui na un comunicacion corecto y confiabel dentro di procedimentonan huridico y tambe oficial.
