Corte Comun di Husticia a haya 5 Huez nobo

Dos Huez di Aruba tambe a huramenta

ORANJESTAD (AAN): Den fin di siman a tuma lugar den Ballroom di Hilton Aruba Caribbean Resort & Casino, un sesion extraordinario di Hof.  Esaki ta pasobra cu a bay instala cinco Huez pa forma parti di Corte Comun di Husticia.

   President di Corte Comun di Husticia, esta mr. Mauritsz de Kort ta e persona kende a duna bon bini na tur hende, y a splica cu 3 Huez ta wordo instala como miembro, y dos di nan ta wordo re-instala.

   Den e requisitorio di Procurador General interino, a pasa pa instalacion di señora mr. T.A.M. Tijhuis, tambe señor mr. W.C.E. Winfield, y señor mr. J.A. van Voorthuizen.  Tambe e re-instalacion di señora mr. U.I.D. Luydens, y señora mr. A.J. Martijn tambe como miembro di di Corte Comun di Husticia di Aruba, Curaçao, St. Maarten, y di Bonaire, St. Eustatius, y Saba.

   Den publico por a mira presencia tambe di e.o. Ministro di Husticia Rocco Tjon, Prome Ministro Wever-Croes, President di Parlamento Edgard Vrolijk.

   Na final a sigui cu un brindis den Ballroom mes.