Corporalnan nobo pa CURMIL y ARUMIL

ORANJESTAD (AAN):  E ehercicio final a yega na su fin. Ocho Militar di CURMIL y ARUMIL cu esaki a termina cu exito nan (Voortgezette Vak Opleiding) VVO/Formacion Avansa Profesional. Di esakinan tin siete Militar di CURMIL y un di ARUMIL.

E VVO ta e formacion cu Militarnan mester sigui na e Comando di Forsanan Naval, pa por bira Corporal (Onderofficier).

 Durante e entrenamento, cu a dura 24 siman, e Militarnan ta experencia e transformacion di miembro di ehercito pa un futuro aspirante Gerente. Tambe nan ta wordo getest riba nan fortalesa fisico y mental y nan capacidad pa planifica y prepara accionnan. 

Ehercicio Final

Durante e ehercicio final (FINEX), durante e siman aki tur cos ta bini hunto. Pa e ocho alumnonan tabata un siman pica pa pasa door di dje. Cabesante di Centro di Entrenamento  CARIB, capitan di Mariniernan Oane van der Meer, p’esey ta orguyoso:

"Respet bo no ta ricibi a base di bo strepinan, pero a base di ken bo ta como hende, lider y persona capacita. Guiando pa medio di ehempel. E Militarnan aki cada un a demostra cu nan tin e caracteristicanan corecto aki den nan".

 E ehercicio final a clausura cu un marcha final cu a termina na Kazerne di Marina na Suffisant. Eynan entre otro nan famia y amigonan tabata warda riba nan. Despues di entrada e ascenso pa bira Corporal a tuma luga awor nan ta bay sigui cu formacion adicional pa bira BAVPOL (Buitengewoon agent van de politie) Agente extraordinario di Polis.