Coronacion di e candidatanan di Aruba pa certamen Agnes Universe 2026

Certamen lo ta na Punta Cana

ORANJESTAD (AAN): The Chaz Modeling and Talent School ta orguyoso di anuncia e coronacion oficial di e representantenan di Aruba cu lo participa den e competensia internacional Agnes Universe 2026, organiza pa Agnes Models, cu lo tuma luga na Punta Cana, Republica Dominicana, for di 7 te cu 12 di juli 2026.

    Representando Aruba lo bay ta Shydley Boekhoudt (Baby Model Universe Aruba 2026), tambe Allyzon Henriquez (Pre Teen Model Universe Aruba 2026), y Valentina Merveille (Teen Model Universe Aruba 2026)

    Durante e siman di competencia, e delegadonan lo participa den diferente actividadnan di intercambio cultural, actividadnan social, ensayo y competensianan, mientras cu nan ta representa Aruba cu orguyo, mustrando nos cultura, talento y identidad na un escenario internacional.

    The Chaz Modeling and Talent School a participa ya pa varios aña caba den e prestigioso evento internacional aki, organisa pa Agnes Models, pa 24 aña consecutivo, logrando hopi exito y hiba e nomber di Aruba na halto.

    E Gran Final lo tuma luga riba 11 di juli 2026, caminda e representantenan di Aruba lo competi pa e titulonan internacional.

    The Chaz Modeling and Talent School ta haci un yamada na tur pueblo di Aruba pa brinda nan sosten y motivacion na nos hobennan embahadornan mientras nan ta representa nos isla cu confiansa, elegancia y orguyo.

    Aruba, ban duna nos candidatanan tur e sosten cu nan mester. Hunto, desea nan Shydley, Allyzon y Valentina hopi exito na Agnes Universe 2026! The Chaz Modeling and Talent School lo tene Aruba sigur na altura durante e siman di competencia, keda pendiente.