AZV ta informa: --- *Pashentnan ta wordo traspasa pa Cas Di Dokter HOH
ORANJESTAD (AAN): E contracto entre Organo Ehecutivo AZV (OE AZV) y dokter di cas N. Yagua-Velasquez a termina. AZV ta gradici dokter di cas N. Yagua-Velasquez pa tur e añanan di servicio medico cu el a brinda na e aseguradonan.
Entrante 7 di januari 2022 tur pashent di dokter Norma Yagua-Velasquez ta wordo traspasa automaticamente pa Cas Di Dokter HOH (HOED) cu ta keda na Caya Punta Brabo 13. Pa ricibi servicio medico e pashent mester yama prome.
Mencion den AZV app
E asegurado cu tin e AZV app por wak den e AZV app cu e ta inscribi awor na Cas di Dokter HOH (HOED). Pa esaki, bo ta bay den e Menu y scoge pa → E dunadonan di cuido di…y scoge pa → Dokter di cas.
Recomendacion
AZV ta recomenda tur asegurado pa download e AZV app y asina registra pa bo digi ZorgPas. Bo persona ta bay den Google Play Store of Apple Store pa download door di primi e boton install. Sigui e preguntanan pa registra pa bo digi ZorgPas. Den caso cu bo no ta logra, libremente por comunica pa haya ayudo via This email address is being protected from spambots. You need JavaScript enabled to view it.
