ORANJESTAD (AAN) – Consul General di Republica di Colombia, señor Luis Gustavo Serrano,
den conferencia di prensa a haci un invitacion na henter e comunidad di Aruba, na e di tercer encuentro di “Casa de Colombia”, e proximo dia 12 di October, den horario di 5or di atardi pa 8’or di anochi, den e Club Caiquetio.
“Den e ocasion aki nos ta trece nos folklore, cultura, gastronomia, di e zona pacifico Colombia, cu ta un zona hopi rico, specialmente den su folklore y gastronomia. Nos ta invita henter e pueblo di Aruba pa nos topa dia 12 di October, den un evento gratuito, pa bin compaña nos. Nos ta bay tin tayernan pa henter famia pa, igualmente, e muchanan participa”, Consul Luis Gustavo Serrano, Consul General di Republica di Colombia, a conclui.
