Conseho di minister ta aproba cambio legal pa fortifica proceso financiero di gobierno

Ministro Geoffrey Wever:

ORANJESTAD (AAN): Minister di Finansa Geoffrey Wever ta anuncia cu Gobierno a aproba cambio di e cuadro legal pa fortifica e proceso financiero interno di Pais Aruba.

   Den anticipacion di e amienda di e “Combtabiliteitsverordening 1989” lo inicia e trayecto huridico di e “landsbesluit, houdende algemene maatregelen” of decreto nacional conforme articulo 46 di “Combtabiliteitsverordening 1989”. E decreto nacional lo establece reglanan pa procesonan financiero y ta establece tambe un division na Departamento di Finansa nobo cu tareanan specifico pa garantiza efectividad y eficiencia di e proceso financiero di Pais Aruba.

   Finansa publico duradero y control continuo riba e proceso financiero di gobierno ta rekeri un fundeshi solido. Pa logra esaki lo implementa e Modelo di Tres Liña (3LM) y fortalece Departamento di Finansa cu e division “Steunpunt Interne Beheersing” (SIB), cu diamars ultimo a bay “live” den presencia di diferente stakeholders. E structura nobo aki di traha lo mester conduci nu un administracion exacto y ehecucion di e presupuesto segun ley y e reglanan financiero-administrativo. Pa garantiza esaki cada departamento di gobierno lo haya y mester tuma mas responsabilidad pa e maneho di riesgo y calidad den ehecucion di procesonan financiero. Pa garantisa y controla esaki, e division SIB lo duna e sosten necesario den combinacion cu control adecua pa cu e meta di logra finalmente un cuenta annual controlabel.

   Pa duna inicio na esaki, e siman aki 3LM a “go live” den compania di Presidente di Parlamento, Griffier di Parlamento, Secretaris di Algemene Rekenkamer, CAft y TWO- Nederland y departamentonan di gobierno cu a worde escogi pa ta e prome grupo di 15 pa ricibi e training necesario pa maneho di riesgo y calidad den ehecucion di procesonan financiero

   “Finansa publico duradero ta un proceso continuo y a largo plazo. Pesey ta importante pa tin e cuadro legal cu ta determina na un manera transparante e reglanan di e proceso financiero di gobierno. Mi ta gradici Departamento di Finansa, especialmente director Sr. Werleman, Centrale Accountantdienst, e equipo di Landspakket y tur cu contribui pa hunto pone un base solido pa fortifica e proceso financiero di gobiero y ta “in control” di ehecucion di nos maneho financiero”, segun minister Geoffrey Wever.