ORANJESTAD (AAN): E siman aki a tuma nota cu Camara di Comercio Aruba (KvK) a suministra tipnan balioso pa esnan cu tin pensa di habri un Restaurant, Bar, Café, of un Club Nocturno riba e isla.
Prome cu bo habri bo portanan, bo mester aplica pa un vergunning di Food & Beverage, conoci como ‘Restaurantvergunning’ via di Departamento di Legislacion y Asuntonan Legal (DWJZ). Bo aplicacion claramente tin di describi e actividadnan cu bo tin planea pa ofrece, manera benta di cuminda y bebida, bailamento, of entretenimento musical.
Sigura bo mes di prepara e documentonan rekeri, incluyendo bo uitreksel di inscripcion na Camara di Comercio, un licencia comercial valido (si ta coresponde), documentonan di identificacion, declaracion di bon salud, y e plan di diseño di e edificio.
Pa bo tin e permisonan corecto ta un paso esencial pa cuminza bo negoshi na forma responsabel y exitoso.
