ORANJESTAD (AAN): Recientemente DIARIO a tuma nota cu un conocido specialista internacional den cuido di man y pia, a lanza un coleccion nobo di pintura di huña, pero completamente traha cu sistema organico.
DIARIO a bin haya sa cu uno di nan, esta e color cora ta wordo dedica na e dushi hendenan di Aruba, y el a yame ‘Dushi’.
Ta trata aki di Joaquin Manuel, kende ademas di specialista, e ta educador di cuido di Man y Pia tambe.
El a bin Aruba y a pasa bishita diferente salon na aruba, pa asina presenta, papia, y educa riba cuido di Man y Pia, y introduciendo tambe e pinturanan di huña organico, specialmente e color cu oficialmente el a yama ‘Dushi’.
A compronde cu Diamars 16 di November e ta bandonando Aruba, sperando di por a duna mas informacion riba e aspecto importante aki di salud.
Su pinturanan yama ‘Joaquin Manuel 7 Free Nail Polish Collection’, y DIARIO a haya sa cu den su coleccionnan e tin tratamento tambe pa crece huñanan mas saludable, y tin hasta un nail polish remover cu ta sin acetona, traha a base di soya, azeta di lamunchi, y vitamina.
E conocido specialista aki tin su sede na Miami, Florida.
https://diario.aw/categories/noticia/general/conocido-specialista-den-exterior-a-dedica-un-pintura-di-huna-na-aruba-cu-e-nomber-dushi#sigProId3e17ab6c66
