Conocido locutor Marcos Bislip Jr. ta cumpli 40 aña den radio difusion di Aruba

ORANJESTAD (AAN): Dialuna dia 8 di November 2021 e conocido locutor Marcos Bislip Jr. ta cumpli 40 aña den radio difusion aki na Aruba esaki a wordo conmemora cu un programa special na radio TOP FM 95.1

            Marcos Bislip Jr. a inicia su carera na Radio Antilliana 1270 AM na unda Marcos Bislip Jr. a cuminsa danki na sra. Morgan Arrindell y sr. Tuyo Prins en felis memoria como director di Radio Antilliana 1270 AM.

            Bislip Jr. mester a pasa tres luna di preparacion profesional di radio y tambe mester pasa un test di voz prome. E ta un personal di radio cu a pasa su testnan y ta certifica den varios funcion.                                                                

             Su tata semper a apoya Marcos pa ta na radio mescos tambe su mama. El a traha na Radio Antilliana 1270 AM, Radio Carina 98.9 FM, Canal 90 FM, Voz di Aruba 1320 AM, GFM 99.9 Galactica y TOP FM 95.1

            Na 1987 Marcos Bislip Jr. a sali mihor locutor hubenil y presentador di programa den radio difusion di Aruba. Tambe el a sali un di e mihor locutor y djnan hubenil di antiyanan hulandes na 1983. 

            Marcos Bislip Jr. ta record holder local di e programa den radio difusion den oranan di marduga pa mainta. Mientras cu Marcos Bislip Jr. tin e record di anochi na radio, record holder local pa presenta dos programa Hit Express y Romantic Paradise pa 10 aña consecutivo como boluntario y na 2019 e dos programanan ta bay over pa TOP FM 95.1 y tin dos aña den aire y surpasando e record di 10 aña pa 12 aña anochi na radio.

            Na 1999 Marcos Bislip a traha na TOP FM 95.1 caba como coordinador di noticia principal di merdia y tambe atardi.  

            Cu perdida di tata di Marcos ta un sla duro paso semper e tabata tey pa Marcos pa tur cos por bay bon hasta a yega di yuda Marcos masha hopi biaha un famia hopi uni cu otro. Marcos su deseo tabata pa e hunto cu su tata celebra e 40 aña hunto pero destino a dicidi otro awor ta conmemora e 40 aña na radio di Marcos Bislip Jr.

            Marcos ta sigur cu su tata ta hopi orguyoso di su logro di 40 aña den radio difusion na Aruba mescos tambe su mama. Despues cu Marcos a wordo interna den hospital Marcos a keda preocupa si e ta bay logra di yega 40 aña den radio difusion di Aruba pero Dios ta grandi.                                                                        

Manera semper su tata a bisa "NEVER GIVE UP".

            Marcos ta gradici Papa Dios y Cristo pa a sane cu awe e por ta bek cu bida y salud y un danki grandi na su tata pa tur cos cu tata a haci pa pe y tambe pa tur loke su mama y famia a haci pe cu awe e por a logra yega 40 aña den radio difusion na Aruba.

            Gradicimiento na Gerencia di TOP FM 95.1 tambe na henter e pueblo di Aruba y oyentenan pa nan apoyo y sosten hopi danki.

            Marcos tin su propio radio ariba internet Sunrise Radio Aruba for di cual e programa live remote via TOP FM anochi ta tuma lugar. E deseo grandi di Marcos y su tata ta cu un dia Sunrise Radio Aruba por ta ariba FM.

            Palabra di Pabien na Matutino Diario pa boso 41 Aña di existencia. "Diario tabata e prome corant cu a publica mi inicio di mi carera na radio e tempo ey Radio Antilliana 1270 AM Dia 8 di November 1981. Hopi Aña mas di existencia".