Conoce un tiki mas di 'Ley di Cacho'

ORANJESTAD (AAN): Den e serie “Ley di Cacho 101” durante e siguiente dianan nos lo mira nos Ley di Cacho (AB 2012 no. 63) di mas cerca.

E ley aki a wordo aproba unanimamente den Parlamento di Aruba y - despues di un campaña di conscientisacion - a drenta na vigor dia prome di januari 2015.

Puntonan di Ley di Cacho manera cu e la wordo splica na nos muchanan:

- Bo cacho mester ta den cura y no riba caya

- Ora bo kier keiro cu bo cacho, mara un liña na su banchi pa bo por tene na liña

- Bo mascota mester haya awa limpi pa e bebe y cuminda fresco y adecuado, dus duna bo cacho cuminda di cacho

- Bo mascota mester por sconde pa awacero y solo, dus bo cacho mester por bai bou un dak

- Hiba bo mascota dokter di bestia ora e ta birando malo, ora e mester haya su vacuna, y ora e mester opera, por ehempel pa bo cacho no haya puppies