Conoce un tiki di e 4 clubnan di Kiwanis Club na Aruba

4 club individual y diferente, pero cu e mesun meta y pasion

ORANJESTAD (AAN):  E 4 clubnan local di Kiwanis a lansa e aña 2021-2022 di Kiwanis cu un conferencia di prensa pa Aruba sera conoci un tiki mas cu cada club.

Kiwanis ta un organisacion global, consistiendo di miembronan como boluntarionan dedica na mehoracion di mundo henter – un mucha y un comunidad cada bes. Nan enfoke di mas grandi ta nos muchanan pa medio di nan proyectonan, ta crea e oportunidad pa tur mucha por siña, experiencia, soña, triunfa & prospera.

E presidente di cada un di e 4 clubnan di Kiwanis a introduci y elabora ariba e metanan di cada club, e proyectonan pa recauda fondo y e proyectonan pa beneficio di nos muchanan, hobennan y comunidad, e programanan di liderazgo servicial (“SLP”) y con tur hende por aporta y yuda nos muchanan aki na Aruba.

Pa 2021-2022 e presidentenan ta:

- Jokoeza Hooplot pa Kiwanis Club of Aruba

- Rothmar Coenraad pa Kiwanis Club of Palm Beach

- Jolitza Limonier pa Kiwanis Club of Young Professionals Aruba

- Endrah Richardson pa Kiwanis Club of San Nicolas

Maske ta 4 club di Kiwanis, hunto nan tey pa yuda fortalece, construi y aporta na e desaroyo constante di nos muchanan, hobennan y comunidad en general.

Kier invita tur hende cu kier yuda, sea como boluntario of cu kier hasi un donacion na un of mas di nan proyectonan, pa tuma contacto cu un di e clubnan di Kiwanis via Facebook.

Keda pendiente pa nan famoso “K-One Day” dia 23 di October caminda globalmente, tur club di Kiwanis hunto ta realisa un proyecto pa nos muchanan.