MEDELLIN: E turista hoben Anna Tinterová di 25 aña procedente di Republica Checo, ta na Colombia y
riba Diabierna anochi el a subi caya pa cana den area di La Salada di municipio Jardin, cu ta keda banda zuidwest di Antioquia, y eynan el a haya su morto.
Polis a compronde, cu e muher a sali di un finca despues di discuti cu su pareha, cu ta un persona Britanico, pero den su paso aki, un hende a los tiro varios biaha riba dje mey anochi. Banda di 7’or di mainta el a sucumbi pa e heridanan.
Anna a yega dos siman pasa den e area di Medellin cu su pareha y e tabata na un finca na Jardin, cu ta un di e municipionan mas turistico di Antioquia. Polis ta investigando pa haya sa e motibo. Nan ta sospecha cu e lo por tabata un atraco.
Nan ta papiando cu e pareha tambe, y e ta cooperando cu informacion, segun Gustavo Franco a bisa, kende ta encarga cu Polis Metropolitano.
Anna a pasa varios siman den Medellin y municipionan ron di dje, pero nan ta revisando informacion pa determina realmente e circunstancia, forma, tempo, y lugar cu a genera morto di e persona aki.
