ORANJESTAD (AAN): E Congreso Nacional di Educacion Caribe 2024 lo bay ofrece un congreso inspirador y
interactivo pa tur profesionalnan di enseñanza y esnan cu ta cuida mucha, riba Diamars 5 di November na Aruba, y Diaranson 6 di November na Curaçao.
E congreso anual aki lo bay ta e lugar unda e profesionalnan di enseñanza por adkiri conocemento, topa y conoce otro, haya inspiracion, capta experiencianan nobo, y mantene nan mes na altura di e ultimo desaroyonan aki. Un lugar cu tur docente sigur lo kier ta.
E tema di e Congreso pa 2024 ta: “Construi hunto e futuro generacionnan”.
Construi hunto e futuro generacion nifica pa inverti den e profesionalnan di enseñansa y atencion riba esnan cu ta opera crèche y kleuterschool, creando oportunidadnan y suministra orientacion pa yuda e mucha- y hobennan descubri y desaroya nan talentonan, garantizando mesun momento nan bienestar y sintimento bon.
E congreso aki lo bay bira e lugar unda ideanan ta florece, netwerknan ta crece, y conocemento ta wordo comparti. Aki bo ta para schouder cu schouder cu profesionalnan yen di idea nobo, pa asina hunto traha un caminda rumbo pa un mihor futuro. Si bo ta cla pa bo comparti bo pasion pa enseñanza y cuido di mucha, traha hunto pa desaroya y crea oportunidadnan pa e siguiente generacionnan. Bo ta bon bini e ora na e Nationaal Onderwijs Congress Caribbean, y laga bo wordo inspira.
Pa mas informacion y ticket, bo por check e website aki:
Durante e congreso bo lo por asisti na un serie amplio di conferencianan yen inspiracion y workshopnan hopi practico. Bo por traha bo mesun programa varia y educativo. Discuti e ultimo tendencianan, desaroyo, innovacion, y e ultimo productonan den educacion y cuido di mucha. Cu ki rikeza na conocemento y inspiracion lo bo bay cas cune!
