Confisca 400 kilo di pisca di dos boto Venezolano den awanan di Aruba

ORANJESTAD (AAN) Recientemente durante cu un unidad di Wardacosta di Caribe Hulandes ta riba su patruyahe pazuid di costa di Aruba,

nan a bin tuma nota di dos boto for di Venezuela ta moviendo den awanan teritorial di Aruba.  Uno a socede den oranan anochi, y e otro den dia.

   Mesora e boto di Wardacosta a nabega den direccion di e botonan.  E caso cu a socede anochi, a bin topa cu un total di 3 persona di nacionalidad Venezolano, y nan no tin ningun permiso necesario pa pisca den awanan teritorial di Aruba.

   Nan a splica cu nan intencion no tabata pa yega tera.

   E boto cu a topa cu ne den dia, tabatin 2 persona di nacionalidad Venezolano, y nan tampoco tabatin permiso necesario pa pisca den awanan teritorial di Aruba.  Nan tambe a reitera di no tin intencion di yega Aruba.

   Pa motibo di e infraccion di a drenta awa di Aruba, Wardacosta a confisca tur instrumento di pesca incluyendo aproximadamente 400 kilo di pisca.

   E dos boto nan a bay back Venezuela. E pisca nan a ser entrega na Fundacion Pa Nos Comunidad.