Conferencia interesante andando aworaki encuanto ‘Cambiando e Marea’ na Universidad

ORANJESTAD (AAN): Dia 23 di oktober pa 26 di oktober, Universidad di Auba y Universidad di Prince Edward Island ta bin hunto pa ta coanfrition

di e di dos Conferencia riba Estado di Isla Chikito y Huridiccionnannan Insular Subnacionacional: ‘Turning the Tide (cambiando E marea): Cambio di Clima, Cambio Social, y caracter di isla.’

   E evento aki ta marca continuacion di e partnershipnan fructivero cu a cera durante e di prome Conferencia Internacional riba Estado di Isla Chikito y Huridiccionnan Insular Subnacional na maart 2019.

   Den tur esaki, Dr. Jean Mitchell, Catedra di UNESCO, y Dr. Laurie Brinklow, Catedra di e Instituto di Estudio Insular, a colabora cu un ekipo dedica, incluiendo Dr. Eric Mijts, Director di Solucionnan Sostenibel pa islanan a base di e programa di Sciencia, Tecnologia, Ingenieria, y Matematica  (SISSTEM) ; Prof. Dr. Viola Huetger, Rector di Universidad di Aruba; Patrick Arens, Aruba Business Manager di Universidad di Aruba; y Anouk Mertens, Investigado Postdoctoral di KU Leuven. Megan Lane MacDonald, un studiante graduado di MAIS interno, a traha conhuntamente cu e coordinado di  Aruba su Center for Lifelong Learning, Kristen Haime, y e coordinado di e Departamento di Asuntonan di Studiante y Marketing, Charisse Hoen, pa organiza e programa y su logistica.

   E conferencia interdisciplinario aki ta conta cu un line-up di orado y experto di clase mundial, incluiendo binti studiante y professor di UPEI, participando tanto personalmente como online. Den e grupo ta inclui e studiantenan graduado Mahir Abrar, Mah Ara Ahmadi, Tristan Atkins, Ross Dwyer, Eliza MacLauchlan , Andrew MacPerson, Jenelle Maillet, Donna Miller-Ayton, Kelly Rivera, y Tianxiang Zhou, conhuntamente cu e ilustre profesornan di Master of Arts Studies y programanan di Estudio di Medioambiente, manera Drs. Brinklow y Mitchell, Dr. Nick Mercer, y UNB PhD Candidato Andrew Halliday. Y otro oradonan distingui cu ta cubri diferente tereno, for di sicologia pa business, geografia, y sciencia di medioambiente.

   Den total, e conferencia ta acoge ochenta presentacion, panel, mesa rondo, y orado principal. E discusionnan aki ta abarca e ultimo resultadonan di investigacion y exploracion di cambio di clima y cambio social den e contexto di un isla.
   Islanan, cu nan cercania di oceanonan, ta na vanguardia di e cambio di clima. Hopi biaha ta nan ta carga e consecuencianan di subida di e nivel di lama, erosion, eventonan extremo di tempo, y cambio di temperatura y estacionnan. Fuera di e cambionan ambiental, con mas e cambio di clima ta afecta e tejido social di e isla?

   Pa resalta e conferencia tin oradonan principal di renombre cu ta encabesa e investigacion di cambio di clima y cambio social den e contexto di un isla:

(*) Dr. Stacey Mac Donald – Accion di Conservacion den Caribe Hulandes.

(*) Natasha Silva y Tyson Lopez – Biodiversidad di Aruba y e retonan di Conservacion di Naturalesa den Contexto di Islanan Chikito.

(*) Charissa Granger y Francio Guadeloupe – Humanisando den Voz Halto: ontologianan di desorden den un pensamento Transcaribense musicalmente presenta como ehempel.

(*) Vishal Prasad –Biahe pa Corte di Husticia Internacional: Hibando Cambio di Clima na e Corte mas Halto di Mundo.
   Vishal Prasad su presentacion lo explora e compromiso y e activismo di hubentud, particularmente den e contexto di busca conseho y opinion di un Corte Internacional di Husticia, un campaña cu a gana sosten internacional. E iniciativa aki, lansa pa Pacific Islands Students Fighting Climate Change, tabatin como resultado aceptacion di un resolucion di UNGA cu e peticion na Corte Internacional di Husticia pa duna un opinion consultativo. Den e charla lo profundisa riba origen di e campaña, cu enfoke riba e elementonan principal – derecho humano y equidad intergeneracional, y riba con e campaña aki por ta inspiracion pa tuma mas accion y tin mas ambicion pa cu clima. E lo toca tambe nificicacion di e campaña pa loke ta duna forma na ley internacional pa aborda holisticamente e cambionan exponi tanto pa e cambio di clima como consecuentemente e crisis di derecho humano cu ta resulta di esaki.