Concierto bailabel di ‘Tsunami Forever’ tabata exito total na Curaçao

ORANJESTAD (AAN): El a socede porfin!  Despues di 8 aña, e talentoso cantante Sashah Figueroa a reuni cu Emile Barry, Rimberth Croes,

y Alfredo Ruiz y demas artistanan di antes y actual di e banda musical Tsunami, pa trece un fiesta espectacular hunto cu nan artistanan di E Proyecto Nobo, cu a haya e nomber di “Endlessly Tsunami with Sashah Figueroa”.

   Di e forma ey, bao di e invitacion special cu a ricibi for di promotornan di Curaçao, por a realisa e proyecto aki despues di 9 aña di ausencia di e banda musical Tsunami, na Curaçao.

   DIARIO a compronde cu e proyecto nobo “Endlessly Tsunami with Sashah Figueroa” a wordo presenta pa di prome bes den e evento titula ‘Tsunami Forever’ cu a ser teni den Rif Fort na Curaçao, cual tabata completamente yen.  Esaki a socede den fin di siman cu a pasa.

   Desde e prome tononan musical, e publico presente a sa di gosa y uni nan mes, cantando y bailando, recordando tur e añanan cu Tsunami a yega di presenta, cu e tremendo ambiente di semper.

   Informacion nobo ta indica cu tin varios plan grandi pa por presenta e proyecto nobo di “Endlessly Tsunami with Sashah Figueroa” na Aruba, Bonaire, St. Maarten, y Hulanda.