Con pa Motiva Muchanan pa Traha nan Tarea di Scol

ORANJESTAD (AAN): Trahamento di tarea ta hopi importante pa un mucha pasobra e ta contribui na e desaroyo di e mucha.

Pero no ta tur mucha ta gusta traha nan tareanan di scol.

Beneficionan di traha tarea di scol:

Trahamento di tarea di scol ta prepara e mucha pa su siguiente les.

E mucha ta corda y compronde e materia mihor.

E ta stimula e proceso di informacion y ta siña e mucha pa pensa critico ariba e materia cu ta wordo trata.

Tips con pa motiva bo yiu pa traha nan tarea di scol:

Sostene bo yiu durante e trahamento di su tarea

Ta importante pa un mucha sinti cu e tin e sosten y guia di su mayornan, famia y otro durante trahamento di su tarea. Si e mucha tin pregunta of duda, esaki por wordo atendi di biaha. E ta un sentimento agradabel pa e mucha, si bo dune sosten durante su trahamento di tarea.

Percura pa tin un planificacion pa traha e tarea di scol cu ta cla y facil pa ehecuta

Door di parti tur e tareanan den diferente pida ta pone cu e ta bira mas cla y facil pa ehecuta.

E ta menos trabou cada biaha. Tambe por comparti e tareanan ariba diferente dia. Esaki ta duna espacio pa planea momentonan di ripiticion di e lesnan cu kisas e tin cu siña.

Scohe un momento adecua y fiho pa trahamento di tarea

Door di scohe un momento adecua y fiho pa traha ariba e tareanan di scol, ta evita un discusion entre abo y bo yiu. Pasobra bo yiu ta na altura di e palabracion pa cu e orario di trahamento di tarea y cu na e momento ey nada otro ta tuma lugar. Si bo yiu sa kico ta spera di dje, e ta coopera mihor.

Recompensa esfuerso di bo yiu

Dune compliment

Lage hunga cu su coi hunga nan preferi

Traha algo di smak hunto p.e. un bolo, cookie y come hunto

Ora bo yiu ricibi aprecio di bo, confiansa propio pa traha huiswerk ta crece.

Hunto y man den man, nos ta motiva nos muchanan! 

Fuente:

https://www.onderwijsvanmorgen.nl/ovm/de-effectiviteit-van-huiswerk/

https://www.bijles-bommelerwaard.nl/pedagogiek/vijf-tips-om-je-kind-te-motiveren-tot-huiswerk/