ORANJESTAD (AAN): Hopi hende ta mire como number di malasuerte.
Pero pa Diego, e combinacion di number ey a bira super bon suerte pe riba Diadomingo merdia na Aruba.
El a cumpra e number 1313 pa e wega di Big4 cu a hunga Diadomingo merdia dia 9 di Mei 2021, y el a gana tambe.
Pesey mes Dialuna siman pasa, Diego a presenta na oficina di Lotto pa Deporte pa reclama su premio. Aki mesora a check e barcode di e ticket den computer, y e confirmacion a yega cu el a gana e suma di 15.000 Florin.
Mesora nan a cuminza cu e proceso pa transferi e premio electronicamente pa su cuenta di banco. Diego a indica cu e ticket ganador a wordo cumpra na Sunshine Lottery.
Diego a bira e di dos ganador cu a gana suma grandi, esta 15.000 Florin cu e numbernan 1313 pa e sorteo ey di Big4. Anteriormente ya caba DIARIO a publica e storia di un otro ciudadano, esta Rudolf, kende tambe a hunga e numbernan 1313 pa e mesun sorteo, y el a gana 50.000 Florin.
Pues ta parce cu 1313 no ta number di malasuerte mas.
