Comunidad ta sigui cu interes pa planta den nan cura uzando Hydroponics

ORANJESTAD (AAN): Un sistema cu ya desde decada di 1980 ta conoci na Aruba, esta cultiva mata di berdura y fruta via Hydroponics, awor ta birando mas y mas atractivo riba e isla.

   Riba Diamars mes a cuminza cu un otro curso di Backyard Hydroponics.  Esaki ta tumando lugar den sala di reunion di Santa Rosa.

   E curso aki di Backyard Hydroponics, ta ser haci den colaboracion cu Hydro Technology Aruba.  Y e interes a ocupa e sala, y ta mira cu nan tin hopi smaak y dedicacion pa siña conoce mas di e sistema aki.

   Di awor caba DIARIO y tambe Santa Rosa ta manda palabra di exito na e cursistanan.