Catherine Midi, Coordinador Actividad:
ORANJESTAD (AAN) Señora Catherine Midi, Coordinador di Actividadnan na Fundacion Arubiano pa Esnan Visualmente Incapacita (FAVI), den entrevista cu DIARIO a anuncia cu awe, Diabierna 4 di December, lo tin lugar na FAVI mes, nan Christmas Bazaar, pa recauda fondo pa por celebra Pasco di Nacemento cu nan clientenan, e siguiente siman.
“E evento aki, manera ta conoci, a surgi como un iniciativa di FAVI su clientenan mes, e trahadornan di e Fundacion y algun boluntario, y nan tin algun aña caba realizando e actividad aki”, señora Midi a comenta.
E articulonan cu lo bende den e Bazaar tin algun cu ta bin di donacion, di algun cliente y tambe di boluntario, a haya obranan di man cu e clientenan ta traha durante e aña, y tambe ta gradici e sponsornan cu ta yuda e Fundacion di un of otro forma, di manera cu nan por haci algun rifa, durante e dia, cu tambe ta genera fondo.
E Christmas Bazaar ta di un solo dia, awe Diahuebs 4 di December, cuminzando pa 9.30 te 11.30’or di mainta, na FAVI mes, situa na Primavera 233.
“Tur hende ta bon bini, nos ta haci un yamada na comunidad pa pasa akinan, ser conoci cu FAVI nos clientenan y aporta na e bunita causa aki”, señora Catherine Midi, Coordinador di Actividadnan na e Fundacion a duna di conoce.
