ORANJESTAD (AAN): E alumnonan di Abraham de Veerschool MAVO na San Nicolas ta hopi contento y agradecido.
Nan ta contento cu Biblionef Nederland a haci entrega di buki “Joe Speedboot” na e scol, principalmente e alumonan cu ta den Examenklas.
E buki ‘Joe Speedboot’ ta un novel di e autor Tommy Wieringa, y a bira un hit instantaneo ora cu el a wordo publica. El a wordo nomina pa e.o. AKO Literatuurprijs, tambe premio di Gouden Uil, tambe e Libris Literatuur Prijs, tambe Literatuurprijs Gerard Walschap, sin lubida e NS Publiekprijs, y e premio pa e portada mas bunita di buki. E buki ta relata e storia di un hoben di 14 aña kende a pega soño den un cunucu di maishi, y un tractor special pa corta mata a pasa, y a kibra su lomba y pecho. El a sigui su bida e ora den rolstoel.
Aki por mira e alumnonan di Abraham de Veerschool orguyoso cu nan buki.
