Comunidad Portugues a celebra tradicional evento di ‘Festa do Monte’

ORANJESTAD (AAN): Den fin di siman cu a pasa, comunidad Portugues a acudi na Club Primavera, unda cu nan a bishita e evento yama ‘Festa do Monte’.

   Manera Consul Honorario di Portugal y alavez president Asociacion Social Cultural Portuguesa, esta Nelio Gomes da Silva a comenta na DIARIO, Festa do Monte ta un tradicion cu ta wordo celebra na Madeira.  Asina a trece e tradicion na Aruba tambe.

   E atardi ey a haci algo diferente, unda a bende e cuminda tipico di Madeira, esta Espetada Portuguesa, cu tin su pan portugues cu ta ser yama ‘Bolo do Caco’, tambe e biña portugues.  E tabata un ambiente di famia cu a disfruta di musica portugues tambe, y asina a  mantene e cultura y tradicion Madeirense bibo entre tur esnan cu tin lazo cu Madeira y Portugal cu e actividad di ‘Festa do Monte’.