ORANJESTAD (AAN): Aruba a wordo sacudi diahuebs mainta cu confirmacion di e noticia cu Anuesca Baly,
kende tabata na cabes di SKOA (Stichting Katholiek Onderwijs Aruba) , a fayece na edad di 58 aña diaranson anochi.
Desde cu el a asumi e rol di directora di SKOA na 2018, Baly a keda reconoci pa su fortalesa y dedicacion den un periodo complica pa e fundacion. Meymey di scarcedad di recurso y situacionnan desafiante, el a logra mantene e rumbo di e organisacion cu determinacion y compromiso pa e calidad di enseñansa Catolico na Aruba.
Su trayectoria profesional tabata marca pa liderazgo firme, mientras cu den tereno personal e tabata confrontando un malesa serio durante e ultimo añanan. Asina mes, el a sigui aporta y guia e institucion te na su ultimo momentonan.
Fayecimento di Baly ta representa un perdida grandi pa sector educativo y pa tur esnan cu a traha hunto cu ne.
Pensamentonan di solidaridad ta bay na su famia, sernan keri y amistadnan. DIARIO ta uni den condolencia, deseando nan hopi forsa.
