‘Compagnie in de West’ di Defensa den Region Caribe Hulandes tin su rotacion

ORANJESTAD (AAN): Informacion for di Curaçao ta mustra cu Durante un ceremonia Militar cortico, ‘Compagnie in de West’ Rotacion 42 a pasa su tareanan pa e siguiente unidad, Rotacion 43.

   E Comandante nobo, esta Capitan Hans durante e asina yama tradicional ‘Peddeloverdracht’ a reemplasa su predecesor Capitan Milan.

   Rotacion 43 ta bay keda cuatro luna den Region Caribe Hulandes. E tropa aki, ‘A-Koningscompagnie’ ta cera conoci cu e islanan den Region Caribe. E ultimo biaha cu e unidad tabata activo na Curaçao tabata un periodo masha special. Desde Maart 2020 te cu Juli 2020 specialmente e unidad a a brinda sosten na Curaçao durante e epidemia cu tabata yegando.

   Capital Milan ta mira back riba un periodo special: ”Ademas di training tactico y tecnico pa prepara e “Stieren” pa nos siguiente tarea otro aña, tambe nos tabata por a nifica hopi pa organizacionnan benefico lokcl.” E unidad saliente durante e ultimo lunanan ademas di training, a duna tambe sosten na autoridadnan local y organizacionnan caritativo tanto na Curaçao como Bonaire. E sosten na autoridadnan civil ta un di e tres tareanan mayor pa Defensa den Region Caribe Hulandes.

   Capitan Hans ta anticipa cu su hendenan lo por entrena den region Caribe: “Nos meta ta pa traha hopi hunto cu socionan local riba islanan Aruba, Bonaire y Curacao. Pero tambe e entrenamentonan bao di circunstancianan diferente for di esnan di Hulanda. E ‘Grenadiers’, manera e miembronan di e unidad tambe ta ser yama, a anticipa e rotacion aki y ta cla pa e retonan pa al final keda mihor entrena y prepara, pa keda desplega unda cu ta rond mundo.”

   ‘Compagnie in de West’ (CidW) ta un unidad permanente di Ehercito di Forsanan Real den Region Caribe Hulandes, cu por keda desplega pa un diversidad di tarea. Asina e unidad ta para cla tambe pa eventual yudansa di emergencia durante temporada di horcan.  E cuatro lunanan benidero e unidad ta entrena tanto na Aruba, Bonaire como na Curaçao.  E asina yama ‘A-Koningscompagnie’ normalmente ta ubica na Schaarsbergen, Hulanda. E unidad di infanteria ta consisti di diferente expertonan militar, tal manera genionan/contratistanan, informacion, y francotiradonan.