Compagnie in de West di Defensa den Region Caribe Hulandes a haci transferencia di rotacion

ORANJESTAD (AAN): Durante un ceremonia militar cortico Compagnie in de West rotacion 41 a haci transferencia di su tareanan na e siguiente unidad, rotacion 42.

   E Comandante nobo Capitan Milan a haci su transferencia cu su predecesor Capitan Martijn, durante e traspaso tradicional asina yama ‘peddeloverdracht’. Rotacion 42 ta keda 4 luna den Region Caribe Hulandes. E compagnie/unidad di Forzanan Real aki, BRAVO ‘Stier-compagnie’ no ta uno desconoci den e region. Na 2020 y 2021 tambe e tabata e Unidad di Ehercito den Region Caribe Hulandes. Durante e periodo aki ‘Stier’ a duna asistencia durante e pandemia di Covid na Curaçao.

   Capitan Martijn ta mira bek riba un periodo extraordinario: ”Akinan como unidad nos tabatin un tempo fantastico. Nos tabata por a haci e loke pa cual nos a bini y nos a sinti nos mes masha bon ricibi riba e pida special aki di nos Reino.”

   E unidad saliente a brinda e ultimo lunanan ademas di ehercicionan, tambe sosten na autoridadnan local. E sosten di autoridadnan civil ta un di e tres tareanan primordial pa Defensa den Region Caribe Hulandes. Capitan Milan ta anticipa posibilidad di entrenamento cu su hendenan den Region Caribe: “Stier-compagnie’ ta honra pa, un biaha mas, ta di bishita na Curaçao. Nos ta anticipa cu, cu nos mentalidad di ‘Can Do’ (Nos por), pa duna apoyo y asistencia, caminda ta necesario. Banda di esey nos ke durante nos periodo na Curaçao colabora hopi cu partnernan local. Nos ta un unidad hoben cu un cantidad grandi di hombernan cu a caba di sali for di formacion; colaboracion y formacion pa ‘De Stier’ ta para number uno.”

   Compagnie in de West (CidW) ta un unidad permanente di Forzanan Real den Region Caribe Hulandes, cu por wordu ubica den un variedad di tarea. Den e 4 lunanan benidero e unidad ta trein na tanto Aruba, Bonaire como na Curaçao. ’Stier-Compagnie’ normalmente ta estableci na Schaarsbergen na Hulanda. Un unidad di infanteria consistiendo di diferente experticio militar, manera por ehempel soldatnan genio, di informacion y francotiradonan.