Como 700 hende a core y sigui engrandece Ronde van Aruba

Den su di 31 edicion

ORANJESTAD (AAN): E atencion di publico tabata grandi!  Diabierna ultimo, tabatin e di 31 edicion di Ronde Van Aruba. Un magno evento deportivo cu rond di 700 coredo cu a participa y un total di 206 ekipo di entre otro, single, duo y estafette.

   Minister di Deporte Endy Croes a duna un discurso, deseando tur e participantenan exito. Pa exactamente 8 or di anochi, mandatario di Deporte a tira e “cannonshot”  na Marinierskazerne pa duna inicio na e recorido di 72 km rond di Aruba.

   Tabatin hopi ambiente banda di caminda, unda cu famia, colega y amistadnan di e coredonan a bay duna sosten y apoyo. Minister Endy Croes ta felicita Sr, Johan de Rover y su team di Marinierskazerne cu a organiza e gran evento deportivo aki. Tambe, na Cuerpo Policia, Cruz Cora y tur cu a contribui pa haci e careda aki exitoso.

   Ademas di esaki, e mandatario di Deporte ta aplaudi tur esnan cu a participa den Ronde van Aruba 2023. Masha pabien na tur e ganadonan! Cu disciplina, deseo, dedicion y determinacion ta logra