ORANJESTAD (AAN): Departamento di Agricultura, Cria y Pesca Santa Rosa semper sosteniendo nos productornan local pa loke ta Sector Primario di Aruba a percura pa organisa un curso na esnan cu tin criansa di bestia chikito na curason y ta haciendo den tur seriedad.
For di 6 siman caba e curso aki ta andando. Durante di siman riba diaranson cu ta curso practico y den weekend riba diasabra ta teoria. E curso e wordo duna pa sr. Edward Berben cu ta e persona encarga cu Seccion di Criansa aki na Santa Rosa. E curso ta titula “Criansa di Cabrito y Carne pa Proposito Comercial’.
Na momento cu Santa Rosa a anuncia cu e curso ta cla pa bai cuminsa un cantidad di interes esaki a crea. Varios ta e participantenan cu a inscribi pa asina haya un cupo pa e curso. E curso ta basa riba mehoracion den criansa di tanto Cabrito y Carne y con pa atende cu e diferente puntonan di interes pa hiba un mihor cria posibel y mas ainda pa proposito comercial.
Desaroyo di maneho riba e dos tipo di crianan aki pabo por tin un mihor ehemplar. Bon calidad di carni suave cu ta duna un mihor prijs pa kg. Eficiencia di uzo di cuminda pa bestia. Cortamento di huña y asina por sigui menciona. Un curso sigur cu ta recomendabel pa tur esnan cu ta den criansa di bestia chikito por sigui.
Despues di 6 siman di curso a yega na final caminda a hasi entrega di certificado na tur cursista cu a participa. Den presencia di sr. Edward Berben kende tabata esun encarga pa duna e curso y sr. Humphrey Croes hefe suplente a percura pa efectua e entrega.
Cursistanan cu a participa y tabata presente cu ricibi nan certificado ta; sr. Alex Kock, sr. Delphino Geerman, sra. Judith Koolman, sr. Ryan Koolman, sr. Andro Croes, sr. Rashid Steba, sr. Cirilio Schoop, sr. Jordany Roos, sr. Andrew Diehl y sr. Derwin v/d Linden. Esnan cu no tabata presente tabata sr. Mark Bruin y Emanuel Cannegieter.
Di parti Departamento di Agricultura, Cria y Pesca Santa Rosa ta felicitacion y gratitud pa nan exitoso participacion na e curo “Criansa di Cabrito y Carne pa Proposito Comercial. Nos ta spera cu awor padilanti por sigui mehora sector di criansa di Aruba.
