Como 70 kilo di cocaina gara riba lama panort di Riohacha

RIOHACHA: Ora el a wordo detecta riba radar, unidadnan di Ehercito Colombiano a logra di intercepta un Speedboat tipo Go-Fast na como 20 miya nautico for di costa di municipio Camarones, cu ta keda na La Guajira, Colombia.

   E area aki ta un tiki panort di Riohacha y na comienzo e dos personanan abordo di e Go-Fast a busca tur forma di desvia y evita di wordo gara.  Pero un unidad di Guardacosta Colombiano a sa di obliga nan di stop.

   E dos hendenan abordo, uno ta un Costaricense, y e otro ta Jamaiquino.  Abordo a bin topa cu 21 bari di combustible, y 66 paki rectangular cu ta contene cocaina.

   Despues di a aresta e hendenan aki, y a confisca e droga, nan a lastra e Go-Fast te na pier di Guardacosta na Santa Marta, unda Polis Tecnico di Investigacion a start cu e proceso rekeri pa Husticia.

   Cu e golpi aki di perdida di 70 kilo di cocaina, e organizacionnan di narcotrafico ta stroba nan di gana 2 miyon Dollar.  Ta bay investiga tambe ta ki direccion e Go-Fast aki ta bayendo, sea pa Centro America, Republica Dominicana, Venezuela, of Islanan ABC.  Pero e informacion aki no ta wordo duna, pero djis comparti cu autoridadnan multi-nacional den Caribe.