MEDELLIN: Autoridadnan a para chauffeur di un Pickup djis pa haci un control di trafico riba dje, pa e.o. mira su rijbewijs y documentonan.
Pero e control aki cu a socede den area urbano na pueblo di Envigado, na parti zuidoost di Medellin a converti su mes den un captura grandi di droga.
A resulta cu ora nan a bay controla e Pickup, a bin descubri cu e bom di e baki di pickup ta falso, y den dje a bin haya droga scondi. Un total di 149 paki marca cu e letter ‘Z’ tabatin scondi.
Mesora a detene e chauffeur, y pa seguridad a bay cu e Pickup y e Droga na un lugar mas safe pa inspecciona esaki.
A test e contenido di e pakinan, y esaki a bin resulta di ta cocaina puro. E peso a bira 148 kilo.
