Comite Olimpico a ricibi donacion promocion di deporte

ORANJESTAD (AAN):  Dialuna ultimo a ricibi bishita di Delta Blue, un empresa local cu ta ofrece solucionnan y ekiponan

den e mundo tecnologico pa tur empresa of instancia na Aruba. COA a wordo acerca door di e hobennan cu ta lidera e empresa cu e deseo di kier aporta na e promocion di deporte y e balornan Olimpico a traves di tecnologia.

   A base di esaki, Delta Blue a haci un entrega di un donacion den forma di un pantaya interactivo y inteligente di e marca “One Screen”, unda por haci diferente cos cune, manera crea ilustracion digital y analisa diferente aspectonan tecnico di deporte. Esaki lo wordo uza durante reunionnan of tournan cu ta wordo duna di e cas di COA.

   E donacion aki siguramente lo wordo hopi bon utilisa manera a ser haci 2 dia despues cu un bishita di Mon Plaisir Basis School, unda a laga e muchanan describi kico a keda den nan mente despues di e splicacion di e mundo Olimpico. Comite Olimpico Arubano ta gradici Delta Blue pa e tremendo regalo aki, y lo percura pa haci bon uso di dje a traves di promocion di deporte y e spirito di Olimpismo.