Comision di Turismo y Finanzas di Parlamento reuni cu TPEF

Parlamentario Jennifer Arends-Reyes

ORANJESTAD (AAN): Manera cu Parlamento a instala e comisionnan fiho di Parlamento siman pasa, ya caba e prome reunion di comision fiho a ser yama. Ta trata aki un reunion combina di Turismo y Finanzas cu Tourist Product Enhancement Fund mihor conoci como TPEF.

   Sra Jennifer Arends-Reyes kende ta presidente di comision di Turismo hunto cu Sra Shailiny Tromp-Lee, presidente di comision di Finanzas a acorda pa tene e reunion aki hunto pa e miembro di nan comisionnan.

   E reunion tambe a ser yama den cuadro di haya informacion pa cu TPEF, entre otro e meta di e fondo y tambe informacion pa prepara pa un reunion publico cu pronto lo worde trata den Parlamento. Miembronan di fraccionnan presente a haya amplio oportunidad pa haci nan preguntanan y a keda satisfecho cu splicacion y e presentacion di parti TPEF.

   E trabaonan di Parlamento ta continua cu informacionnan valioso pa e miembronan di Parlamento.