Comerciantenan ta cu problema grandi pasobra no tin lugar pa parkeer den centro di ciudad

Laga verf tur parkeer vak blanco bek!

ORANJESTAD (AAN):  Constantemente por tende Minister di Transporte ta comenta, cu mester haci algo urgentemente, pa cu e problematica di lugar pa staciona auto den Oranjestad.

            Ta ser papia di cu kizas lo bay over pa construi un sistema di parkinglot di piso ariba otro. Comerciantenan ta cu problema grandi pasobra no tin lugar pa parkeer pa e clientenan y sinembargo, tin un solucion dilanti minister su wowo, pero no ta actua pa cu esey.

            E solucion temporal lo ta, laga verf bek tur e parkeer vaknan blanco ya cu asina ta duna bek e automobilista un lugar pa parkeer, sin cu mester core e risico, cu no ta bay bin bek y ya tin sticker pega ariba bo glas di auto.

            Asina lo stop cu gastamento di placa cu pegamento di e stickernan aki y por ultimo, laga kita e mashinnan cu tin na varios caminda para ta haci nada.