ORANJESTAD (AAN): Departamento di Impuesto ta recorda cu e fecha final pa entrega e lista colectivo di salario (verzamelloonstaat of VZL)
y e lista colectivo di pago na tercera persona (verzamelstaat opgaaf derden of VOD) di aña 2022 ta 31 di maart 2023.
Tur doño di trabao of comerciante mester entrega e listanan menciona den forma digital via e portal ‘BO impuesto’ di Departamento di Impuesto. Si un doño di trabao of comerciante no ta registra como usuario den e portal menciona, lo mester haci esaki mas lihe posibel. Pa registra como usuario di e portal mester haci un cita via:
Si un usuario no ta logra log in den e portal, por manda un e-mail na This email address is being protected from spambots. You need JavaScript enabled to view it. of yama 522-7437.
E doño di trabao of comerciante por yena e datonan rekeri den e portal mes of por scoge pa upload e file XML cu ta worde produci door di su programa di payroll. Alavez tin e opcion pa uza e MS Excel filenan di Departamento di Impuesto cu yama “e-Verzamelloonstaat” y “e-Verzamelstaat Opgaaf Derden”.
Por baha e filenan aki for di e website di Departamento di Impuesto na seccion di Loonbelasting. Ta bon pa tene na cuenta cu no ta posibel mas pa entrega un USB-stick of manda e filenan via e-mail. Departamento di Impuesto ta conseha tur contribuyente pa cumpli na tempo debi cu no ta bay tin prolongacion di termino. Keda sin entrega e ‘Verzamelloonstaat’ of e ‘Verzamelstaat opgaaf derden’ di aña 2022 lo por nifica cu e contribuyente lo por ricibi un cobransa adicional (naheffingsaanslag) inclui boet di 10.000 Florin maximo.
Pa mas informacion tocante verzamelloonstaat y/of verzamelstaat opgaaf derden por consulta e website via e siguiente linknan:
www.bit.ly/verzamelloonaruba
www.bit.ly/opgaafderden
