Colegio San Augustin Mavo contento cu bishita di Dr. Edward Cheung

ORANJESTAD (AAN): Diaranson ultimo Colegio San Augustin a ricibi bishita di Dr. Edward Cheung. Dr. Cheung a tene un combersacion cu alumnonan di 3e y 4e klas cu tin como profiel Natuurwetenschap.

            E alumnonan a haya e oportunidad pa haci varios pregunta pa loke ta e trabounan cu Dr. Cheung ta haci na NASA, entre otro e proyectonan grandi den cual e tabata envolvi. Un di nan ta e “Hubble telescope”. E alumnonan tabatin varios pregunta tambe tocante “robotics”, material cu ta wordo uza y e proyecto cu tin di e exploracion di e planeta “Mars”

            Loke a resalta pa e muchanan compronde ta cu NASA ta traha a base di teamwork.

Por ultimo Dr. Cheung a splica tocante e eclipse solar cu ta bay ta parcialmente visibel na Aruba diasabra awo y a haci un invitacion na nos alumnonan pa presencia esaki.

            Di parti di Colegio San Augustin ta manda palabranan di gradicimento na Dr. Cheung pa tuma e tempo pa bishita nos scol y combersa cu nos alumnonan.