ORANJESTAD (AAN): Diasabra ultimo a tuma luga e Campeonato escolar di beach volleyball Jongens-C.
Esaki a tuma luga riba e cancha patras di Sporthal na Santa Cruz. E weganan escolar aki a wordo organisa pa IBiSA.
Den final di “best out of 3” Colegio San Augustin a hunga contra Colegio Nigel Matthew, caminda cu Colegio San Augustin a sa di titula campeon di e torneo aki.
Pa cuminsa kier a gradici IBiSA pa organisacion di e torneo aki. Kier a duna un palabra di danki na docentenan Patrick Lejuez y Brenton Croes cu a prepara y guia nos alumnonan y na tur mayor cu a coopera durante e dianan di training.
Mas cu claro un pabien na e alumnonan campeon cu ta Gregory de la Cruz, Roderick Tromp, Shamil Koolman y Marco Vrolijk. "Masha pabien, nos ta orguyoso di boso!".
