Aruba ta cla pa participa den e 'Caribbean Pinks All Out  2022'  na Corsow

PRANJESTAD (AAN):   Durante un rueda di prensa na Sandra's Garden, Oficina di Turismo di Corsow  (CTB)

hunto cu representantenan di Jacky Circuit oficialmente a invita coredornan y fanaticonan di drag race di Aruba pa disfruta di caredanan di drag race  na Corsow y na mes momento celebra  Dia di Bandera.

            E team di Corsow a duna informacion di tur loke nan isla tin di ofrece como destinacion turistico y a bay den detaye riba e caredanan cu lo tuma lugar proximamente na Corsow. E interes manera semper tabata grandi. Deporte y drag race en particular ta un di e metodonan di mercadeo cu CTB ta uza komo parti di su strategia pa promove nan pais.

            E evento lo consisti banda di e caredanan tambe di un show di auto y concierto, haciendo esaki un evento interesante.

            E fin di siman di 1 pa 3 di Juli proximo lo ta carga cu diferente actividad na Corsow locual ta hacie un oportunidad unico pa bishita Corsow.