ORANJESTAD (AAN): Recientemente Directorado di Colegio San Augustin na San Nicolas, a haci entrega oficial di su “School Safety Plan”.
E plan aki a worde entrega na Señora Maybeline Rosenstand-Biesum cu ta staffunctionaris di SKOA. E “School Safety Plan” a worde hinca den otro door di coordinadora di cuido di Colegio San Augustin Juff. Karen Sanchez cu ayudo di Femke Nicolai y Yente Schaap. Ta un plan cu a traha henter un schooljaar (22-23) riba dje den cual ta splica con ta actua durante un calamidad y ken tur ta responsabel den un caso asina.
Como scol bo ta responsabel pa garantisa e seguridad di alumnonan y Colegio San Augustin ta tuma esaki hopi na serio. Nan ta gradici tur esnan cu di un of otro manera a sostene y yuda nos durante e proceso di creaccion di no”s “School Safety Plan.
