Colegio EPI ta orguyoso di por manda mas cu 30 studiante den exterior

ORANJESTAD (AAN): A bin sali na cla, cu un di e deseonan di Colegio EPI na Aruba a bira realidad di por manda studiantenan den exterior pa haci nan pasantia final.

Esaki a bira posibel danki na diferente colaboracion cu ta brinda e oportunidad aki.

   Colegio EPI ta gradici SEA+ cu a brinda beca pa e studiantenan bay den reino hulandes. Tin un studiante kende a bay Corsou, y otro cu a bay Hulanda. Tambe nan ta gradici e programa di Erasmus+ cu danki na EPI su acreditacion na 2025 a brinda e studiantenan oportunidad pa bay Belgica y Irlanda. Nan tin studiantenan cu ta bini di diferente unidad cu a bay practica y engrandece nan experticio.

   Tambe Colegio EPI su colaboracion cu partner Iberostar Hotel a bira mas fuerte despues di tanto aña trahando hunto.  Danki na nan vision di engrandece y contribui na conocimento y experticio di nos hoben, nos por bisa cu nos tin tres aña ta manda studiantenan na e.o. resortnan di Iberostar na Mexico y Iberostar na Jamaica. Y e biaha aki tambe esaki a logra.  EPI ta aprecia e colaboracion aki cu Iberostar Hotel cu ta brinda esnan den sector economia, ingeneria, hospitalidad y horeca.

   Nan ta gradici e team di international affairs di Colegio EPI, docente, BPV team cu lo guia e parti di pasantia, managers y directie.  Tambe e partners na Belgica y Irlanda cu a brinda ayudo y semper tabata cla pa brinda un man pa nos hoben ta sigur.

   Colegio EPI ta desea studiantenan exito cu nan pasantia y algun exito cu e clima friu.