Colegio Conrado Coronel a planta mata di mango na honor di docente Walter

ORANJESTAD (AAN): Recientemente, docente y alumnonan di Colegio Conrado Coronel a reuni riba nan Cocoplein,

pa un momento special unda a recorda y honra nan docente meneer Walter stima, kende a fayece inespera den vakantie di Juli.

   Decision a ser tuma pa nombra su oficina na su nomber: “Oficina Walter v/d Biezen”.  Tur klas a haya chens pa traha un detaye bunita y pon'e riba e mesa dilanti su oficina.

   Tambe nan a planta un mata di mango dilanti scol.  Un mata ta crece fuerte, ta duna sombra y ta produci fruta cu nos por comparti cu otro. Mescos cu e amor cu nan a sinti di meneer Walter.

   E mata aki lo sigui crece y recorda nan di e bon momentonan cu nan a comparti cune, e amor cu el a brinda nan y e felicidad cu el a trece den nan bida.  Y mescos cu e mata di mango aki, nan amor p’e no lo stop di crece.