Colegio Conrado Coronel a organiza un “Fun Walk & Run” cu tema “Shine in Neon”

Celebrando 30 aña

ORANJESTAD (AAN): Celebrando nan 30 aniversario, Colegio Conrado Coronel a organiza un “Anual Fun Walk & Run” cu e aña aki tin como tema “Shine in Neon”.

Colegio Conrado Coronel ta un scol multilingual cu ta brinda enseñanza na alumnonan for di sector preparatorio te cu basico pues muchanan di 4 te cu 12 aña.

Team di Colegio Conrado Coronel ta masha orguyoso di nan lustro y di por celebra esaki hunto cu nan alumno, mayor y amistadnan. Y e aña escolar entrante nan lo sigui celebra pa motibo cu nan sector preparatorio lo celebra su 20 aniversario.

E caminata a consisti di 2 ruta, na unda e participantenan por scoge entre 3 of 5 kilometer. Nan a sali for di Fisherman’s Hut pa sigui e ruta te cu Boca Catalina.

Colegio Conrado Coronel kier duna un danki special na nan sponsornan y sin lubida di Red Cross Aruba y Cuerpo Policial pa nan asistencia durante e actividad.