Colecta e carchinan y gana un auto cu Fun Miles e fin di aña aki

Fun Quartets: Edicion Copa Mundial 

ORANJESTAD (AAN):  E ta un tradicion stima: e fiesta di premio na fin di aña di Fun Miles y su partnernan. E aña aki, ta trata di e wega clasico di kwartet, combina cu e tema di futbol p’e proximo temporada. Miembronan cu shop na partnernan participante lo colecta carchi di Fun Quartet. Nan por pega esaki (cu lijm) na e borchi di wega y asina hunga pa e premionan grandi: un Toyota Rush KR nobo nobo di Garage Cordia, Verf bo cas completo cu Global Paint y 2 biahe ida y buelta pa Sto. Domingo cu JetAir!

            Ademas di esaki tin un manera masha innovativo pa gana: e carchinan di Fun Quartets ta bin cu un codigo unico cu ta permiti e miembro pa hunga y gana premionan instantaneo den e ‘Scratch & Score’ riba funmiles.net, esaki ta rekeri gana e keeper y hinca gol. E premionan instantaneo cu wordo gana por wordo busca mesora cerca e Fun Partner. E campaña aki ta valido te 12 di januari, 2023. 

Con pa participa na Fun Quartets?

Riba e borchi di wega, miembronan por pega 4 serie completo di 4 carchi cada un cu lijm. Un di nan, mester ta un main sponsor di e serie, por ehempel Kooyman. Unabes esaki ta haci, mester deposita e borchi di wega den e buzon na cualke Fun Quartets Partner pa un chance di gana e premio grandi.  Claro, e carchinan por wordo uza pa hunga un wega dibertido di kwartet cu henter famia. Ta hopi ‘fun’ pa colecta e serie di 12 kwartet y wardanan den un caha special di coleccion cu ta obtenibel durante diferente Fun Miles Road Show ku lo tin proximamente – mientras di den stock. 

Bonus: ‘Scratch & Score’ online, cu premionan di e Bala di Oro y mas

Banda di esey, tur miembro por gana premionan extra online: hinca e codigo cu bo a ricibi ora cu bo a raspa e carchi di Fun Quartets. Hinca e codigo aki riba funmiles.net y e bala lo bay den gol activando hopi premio manera, bonus miles, descuento y premionan special cu e bala di oro manera un gift voucher di f 1000 di APEX. Mas bo cumpra, mas carchi y codigo lo bo ricibi esaki di mes ta aumenta bo chance di gana! 

Descubri tur cos riba funmiles.net

Bishita funmiles.net pa e wega online, reglanan di campaña y un lista completo di premio. 

Tocante Fun Miles

Fun Miles ta é programa di recompensa na cliente mas grandi. Miembronan ta disfruta continuamente di ofertanan special, promocionnan fun y campañanan pa gana premio. Esun cu no kier perde nada, ta wordo recomenda pa sigui Fun Miles riba social media, bishita funmiles.net y pa download e app gratis di Fun Miles.