ORANJESTAD(AAN): Entrante Januari di 2026 Instituto pa Derechonan Humano lo haci uso di e facilidadnan di Corte Comun di Husticia di Aruba,
Corsow y Sint Maarten y di Boneiro, como tambe di Sint Eustatius y Saba.
Diaranson Rick Lawson, presidente di e Instituto y Mauritsz J. de Kort, presidente di e Corte Comun, a firma un contrato pa formalisá esaki.
E Instituto lo utilisá e localidad pa husga casonan di discriminacion riba e islanan Boneiru, Sint Eustatius y Saba .
Dia 7 di October 2025, Eerste Kamer a aprobá implementacion di e Lei di Proteccion contra Discriminacion Boneiru, Sint Eustatius y Saba.
E implementacion aki ta encera cu for di Januari 2026, habitantenan di e islanan lo por hasi un apelacion riba e ley si nan ta sinti cu nan a wordo discrimina. Den e cuadro aki lo tin un mesa di ayudo juridico gratis y un servicio contra discriminacion yama Antidiscriminatievoorziening ( ADV).
Adicionalmente habitantenan lo por entrega un keho di discriminacion independiente na e Instituto.
Habitantenan lo tin e opcion pa pidi un juicio di discriminacion cerca e Instituto of opta pa mediacion.
Pa eherce su mandato nobo, e Instituto lo hasi uso di e facilidadnan di Corte Comun di Husticia di Boneiro, Sint Eustatius y Saba pa sesionnan di juicio.
Esaki ta brinda e posibilidad pa casonan por wordo trata personalmente.
E colaboracion ta un paso importante pa garantisá derecho y solucion igual contra discriminacion na Hulanda Caribense, mescos cu loke ta posibel caba na Hulanda Europeo.
