Coder Dojo pa mucha di tur edad na Biblioteca Nacional

Lesnan di coding

ORANJESTAD (AAN): Full Stack Vision foundation ta ofrece un ‘Coder Dojo’ na biblioteca pa mas cu un aña caba, tanto na Playa como na biblioteca San Nicolas.

   Pa esaki Full Stack Vision Foundation a drenta un colaboracion cu biblioteca na 2021. A habri e prome Coder Dojo na biblioteca na Playa y despues di un par di luna a habri uno na San Nicolas. Y esakinan ta bayendo bon.

   Kico un Coder Dojo ta? Cada sesion di Coder Dojo ta duna mucha oportunidad pa siña traha codigo, desaroya website, apps, programa y wega riba computer y tambe computer engineering. Nan por experimenta, explora y hunga. Muchanan ta traha cu otro riba diferente proyecto.

   Full Stack Vision Foundation ta traha cu boluntario cu ta fungi como mentor pa percura cu cada mucha ta haya e atencion y guia cu e mester. Mayornan interesa pa nan yiu join por lesa mas via www.arucoderdojo.org of tambe www.raspberrypi.org

   Bruce Harms y Thanya Croes di Full Stack Vision Foundation a  duna un relato di nan observacionnan te awor y a expresa nan ideanan pa futuro. E partnership cu Biblioteca Nacional Aruba a keda formalisa pa medio di un acuerdo. Directora, señora Astrid Britten a firma esaki y ta contento cu e Coder Dojo ta keda na biblioteca pa e proximo 4 aña.

   E siman aki, un team a instala borchi na biblioteca O’stad y San Nicolas. Masha danki Adolfo y Joshua Valbuena!