Coast Guard Mericano a intercepta $30 miyon na droga riba Lama Caribe

Durante un operacion di 49-dia largo

MAYPORT, Florida:  E tripulacion di e US Coast Guard cutter Valiant a regresa cas siman pasa na e Stacion Naval Mayport, despues di a finalisa un operacion di 49-dia riba Lama Caribe.

   Patruyando como sosten di Homeland Security Task Force, pa e Southeast Operation Vigilant Sentry, y tambe e Joint Interagency Task Force-South, e tripulantenan a ehecuta varios mision di seguridad maritimo.

   Durante e patruyahe, Valiant a yuda salba bida di dos persona riba lama durante dos caso separacion di Search and Rescue.

   E tripulacion di e cutter a yuda tambe den operacionnan anti droga, y a logra intercepta un speedboat tipo Go-Fast cu tabatin 44 kilo di cocaina, y tambe a asisti partnernan internacional manera Marina Hulandes cu e barco ZrMs Groningen cu dos interceptacion adicional.  Durante e patruyahe, Valient a logra confisca of asisti den e captura di mas di 30 miyon Dollar na droga ilegal.