Dalgis Montalvo Coordinador Stichting Hunto
*Por evita cu e drenta den problema mas pisa
ORANJESTAD (AAN) – Dalgis Montalvo, Coordinador di Stichting Hunto, den entrevista cu DIARIO a señala cu mas trempan e famia cuminza busca ayudo pa un mucha cu ta presenta problema mental, mas trempan dune ayudo y guia por yuda preveni cu e mucha aki ta keda drenta den problematicanan mas pisa.
E idea cu esey ta pa por tin prevencion y un intervencion trempan cu cualkier problema cu e mucha aki por presenta.
Montalvo a duna di conoce cu tin cierto servicionan cu Hunto lo cuminza cobra, pasobra financieramente nan no tine, pero ta importante pa concientiza e clientenan cu nan tambe tin cu colabora. No ta instancianan so tin cu ta eynan, pero e ciudadano tambe tin cu “draai bij” mescos cu como persona, e tin cu percura pa su mes.
Mescos cu paga pa un gym, diferente tayer di trabao cu ta wordo duna, tambe bo por cuminza take care y inverti den bo mes. “Tin hopi cos cu bo por haci, manera conoce bo mes, reflexiona riba bo mes, unda bo ta sinti bo pega, unda mester di ayuda, of podise, sinta papia cu un persona, unda cu bo ta sinti cu no ta bo mes mas, eynan bo ta cuminza reflexiona riba mes, kico ta pasando. Nos mester conoce y reconoce nos mes”, Dalgis Montalvo a subraya.
