Club Kibrahacha a celebra clausura di 2023 cu un tremendo fiesta na Hilton Hotel

Lucia Hoek y miembronan feliz con e aña aki a bay:

ORANJESTAD (AAN)—Señora Lucia Hoek, Coordinador di Actividadnan na Club Kibrahacha, tabata hopi contento cu e actividad cu nan actividad pa clausura Aña 2023, y cu a tuma lugar na Hilton Hotel, diahuebs 21 di December aki.

Lucia Hoek a expresa cu esaki tabata un aña sigur hopi exitoso y nan lo wak pa 2024 bira hopi miho cu loke e aña aki tabata.

250 persona a bin hunto pa e celebracion aki,  y dia 4 di Januari 2024, Club Kibrahacha lo habri bek pa tur miembro.

Lucia Hoek a subraya cu wak e caranan satisfecho y contento di tur e miembronan den di con e aña aki a bay, e ta duna nan mas animo y entusiasmo pa bin cu mas actividad e aña cu ta bin, y mas proyecto  pa nan atrae mas hende pa Centro Kibrahacha.

Hoek a invita personanan cu ta na cas, of cu tin un amigo di cerca, of cu tin su mama of tata laga nan pasa na Club Kibrahacha pa bira miembro.