Clientenan felis a acudi na otro ‘Shop cu Ambiente’ na Super Do It Center

ORANJESTAD (AAN): Diferente persona a probecha di e anochi special cu Super Do It Center na Shaba a prepara pa nan. 

El a resulta di ta un Diaranson anochi placentero, cu hopi cos di mira, pa purba, y pa cumpra.

   E actividad yama ‘Shop cu Ambiente: Holiday Edition’ a start ya caba for di 5:30’or di atardi.  Tur cliente lo por topa cu gran variedad di Tasting di diferente producto manera keshi, biña, licor di whisky, juice, sparkling wine, lechi, malta, cuminda, cerbes, ice-cream, y mucho mas.

   Di e forma ey e clientenan a pasa purba pa asina bo prepara pa bo dianan di fiesta.  Tabatin fenomenal animacion musical di DJ Sky, tambe varios specials e anochi aki cu tabata uno exitoso.