Atravez di Super Food Plaza Cares Program
ORANJESTAD (AAN): Recientemente Super Food Plaza Cares Program a haci entrega di un check na valor di Afl. 30.000 na F.E.P.O. (Fundacion pa Esnan cu Problema di Oido). E check a ser entrega pa financial manager di Super Food Plaza, Sr. Erick Kelly y a keda ricibi pa representantenan di FEPO, Sr. Frank Croes (president), Sra. Ivy Simon (vice-president) y Sra. Kristel van Nes (office manager).
FEPO su meta ta pa haci tur cos pa promove e bienestar fisico, mental, social y material di esnan cu problema di oido of sordo na Aruba.
Cu e donacion ricibi, FEPO kier start un programa pa muchanan entre 0 y 4 aña. Actualmente ta cuminsa duna sosten desde 5 aña di edad, pero na e momento ey ya caba e muchanan tin un retraso den desaroyo compara cu muchanan cu si tin oido. E retraso aki tin biaha nunca mas ta logra kita.
Mas trempan brinda e ayudo na e muchanan, mihor e ta pa nan desaroyo y nan tambe por participa e ora normalmente den comunidad. FEPO ta masha agradeci pa e donacion ricibi y ta duna danki na clientenan di Super Food Plaza.
Clientenan cu haci un donacion di Afl. 1.75 of mas por participa den e campanja di Give & Win di e Super Food Plaza Cares Program. E feliz ganadornan di luna di November a resulta:
Filomena Wever-Figaroa – gift card Afl. 1.000
Sharon Tromp – gift card Afl. 750
Mercedes Zievinger – gift card Afl. 500
Hilario Geerman – gift card Afl. 250
Carolen Manga Polo – gift card Afl. 100
Pa participa den e campaña aki, simplemente haci un donacion di Afl. 1.75 of mas na cualkier caha di Super Food Plaza y deposita bo recibo original cu nomber y number di telefoon ariba dje den e tombola.
Tur prome dia di luna ta saca 5 feliz ganador. Super Food Plaza Cares Program ta gradici tur esnan cu a haci un donacion pa asina nos por sigui yuda nos comunidad.
Premionan ta patrocina pa Super Food y tur donacion ricibi ta bai bek pa 100% na comunidad. Fondonan di SFPCP ta ser maneha pa CEDE Aruba.
